منتديات نجــــــــــع الجنينــــــــــــــة
منتديات نجــــــــــع الجنينــــــــــــــة
منتديات نجــــــــــع الجنينــــــــــــــة
منتديات نجــــــــــع الجنينــــــــــــــة
منتديات نجــــــــــع الجنينــــــــــــــة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات نجــــــــــع الجنينــــــــــــــة

لاحدود للمعرفه لاحدود للثقافه لاحدود للصداقه هذا هو شعارنا؟؟؟؟
 
البوابةالرئيسيةأحدث الصورالتسجيلدخول
 هام الجميع الاعضاء والزواردعوة ذهاب وتسجيل  ؟؟؟ منتديات 25 يناير 2011 يدعوكم الانضمامكم معنا ... هو عباره عن منتدى اراء ومشاورات بما يخص احداث الثوره والتغيرات التى تحدث فى مصر والمشاكل التى تحدث فيها ومتطلبات الشباب .....؟http://january252011.yoo7.com

 

 حكايتى مع بنت الجيران ( يا لهوى البت زى القمر )

اذهب الى الأسفل 
2 مشترك
كاتب الموضوعرسالة
سيد ابو حفيظه
عضو فعال
عضو فعال
سيد ابو حفيظه


الجنسية : حكايتى مع بنت الجيران ( يا لهوى البت زى القمر ) Male
الهواية : حكايتى مع بنت الجيران ( يا لهوى البت زى القمر ) Readin10
المهنة : حكايتى مع بنت الجيران ( يا لهوى البت زى القمر ) Office10
الدوله : حكايتى مع بنت الجيران ( يا لهوى البت زى القمر ) Soudian
عدد المساهمات : 95
نقاط : 192
السٌّمعَة : 1
تاريخ التسجيل : 13/04/2010

حكايتى مع بنت الجيران ( يا لهوى البت زى القمر ) Empty
مُساهمةموضوع: حكايتى مع بنت الجيران ( يا لهوى البت زى القمر )   حكايتى مع بنت الجيران ( يا لهوى البت زى القمر ) Icon_minitimeالأحد أبريل 18, 2010 3:36 pm

الحكاية بتبدأ من حوالى سنتين....

العفش بينزل من على عربية النقل...


و انا واقف فى البلكونة.. وبسأل امى (اللى كانت واقفة تنشر الغسيل): هو فى حد


هيسكن هنا ولا ايــه يامـا؟



قالتلى اه يا حبيبى دى الشقة اللى قصادنا



قلتلها ويا ترى عرسان جداد ولا عيلة وبتعزل؟


قالتلى والله يابنى مانا عارفة


قلتلها طيب.. يا خبر انهارده بفلوس.. بكرة يبقى بفلوس اكتر..



و بعد أسبوع......


أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد


وصلوا خلاص


قلتلها يا شيـــــخة!


قالتلى: اه.. مرات الراجل عدت عليا انهارده وسلمت عليا وعرفتنى بيهم


قلتلها: ايــه بقى عرسان جداد؟؟


قالتلى لا دول أسرة.. عندهم ولدين وبنت


قلتلها خير.. خير.. (والشر بيبظ من عينيا)



و أثناء الحديث الشيق ده..


طلعت مامت الولاد م البلكونه.. ولما شافت أمى هزت راسها - بتسلم على امى يعنى -


.. وطبعا أمى ردتلها الهزة - بترد السلام يعنى -


و بعدين طلع ولد صغير ابتسم لنا اول ما شافنا....


أصل البلكونة فى وش البلكونة , بس هم مركبين ستارة واحنا مش مركبين ستارة... بس


باين عليهم ناس طيبين اوى...


المهم.. الأم ندهت لبنتها...


الحقيقة انا كنت أول مرة فى حياتى أسمع الاسم اللى هى ندهت به..


أول مرة أعرف ان فى بنت اسمها كده أصلا...



الام بتنده: يــــــا روفيدة (على وزن بثينة , بضم الراء يعنى)


اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..


و طلعت روفيدة من ورا الستارة فـى حركة Slow Motion من بتاعة الافلام..


و انا متنح تتنيحة سوده... روفيدة طلعت احلى من اسمها.. جميلة جمال لا يوصف...


ناصعة البياض..


مش قادر ارفع عينى من عليها.. مينفعش ارفع عينى من عليها اصلا...


فضلت متنح لحد ما شافتنا انا وامى..


لما شافت امى ابتسمت لها..



و لما شافتنى زى ما تكون شافت عفريت ودخلت على جوة جرى...



و تمر الأيام..



و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص


اشوف روفيده واقفة ولا لأ..


ساعة ما الاقيها واقفة.. اطلع البلكونة..


مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -


او بلعب عشر ضغط.. اى تلكيكة والسلام


الغريب انها كانت فى الاول لما تشوفنى تروح داخلة جرى على جوة..


لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى


كمان...


بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد


واقف بالساعات مدام روفيدة واقفة... ارمى نظرة.. ابتسامة.. أشاور


و كانت هى بتكتفى بالابتسام وعلامات الخجل...



و ف يوم من ذوات الايام..


بشاورلها.. شاورتلى


بقيت هطير م الفرحة.. روفيده شاورتلى يا جدعان...


قعدت اطنطط ع السقف وأغنى وحياة قلبى وأفراحه..


و هبا إيـه هبا أاه.. إن شاء الله هنظبط


امتى بقى اتكلم معاها ونهظر سوا...


لحد ما جه اليوم...


انا راجع م الكلية.. وعلى اول الشارع شفت أمى واقفة مع مامت روفيده..


و المفاجاة: روفيده واقفة معاهم


لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى


تشووووووووو...


لحد ما بقيت عندهم.. عرقان طبعا وبنهج وحالتى حالة...


نزلت عليهم زى الباراشوط..


ازيك ياما.. ازيك يا طنط عاملين ايه...


و بصيت لرٌفيدة.. كانت بصالى وبتضحك..


كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -


قلتلها: ازيك يا روفيده؟!


و كان رد فعلها غير متوقع بالمررررة... كان صدمة حقيقية بالنسبة لى..


لقيتها بتمد ايديها وبتسلم عليا...


و بتقولى: الحمد لله.. ازيك انت؟؟!


رحت مسلم عليها....


و قلتلها: الله يسلم قلبك يا روح قلبى..


و رحت بايس ايديها....


و رحت شايلها...........


و قلتلها: انتى عندك كام سنة بقى؟؟








قالتلى عندى 3 سنين





رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها


وطلعوا البيت


و من يومها وانا وروفيده اصحاب... كل ما تطلع البلكونه نلعب ونهزر مع بعض


منقوووول

الرجوع الى أعلى الصفحة اذهب الى الأسفل
روميو
عضو جديد
عضو جديد
روميو


الجنسية : حكايتى مع بنت الجيران ( يا لهوى البت زى القمر ) Male
الهواية : حكايتى مع بنت الجيران ( يا لهوى البت زى القمر ) Readin10
المهنة : حكايتى مع بنت الجيران ( يا لهوى البت زى القمر ) Unknow10
الدوله : حكايتى مع بنت الجيران ( يا لهوى البت زى القمر ) Tonsy
عدد المساهمات : 54
نقاط : 61
السٌّمعَة : 0
تاريخ التسجيل : 21/04/2010

حكايتى مع بنت الجيران ( يا لهوى البت زى القمر ) Empty
مُساهمةموضوع: رد: حكايتى مع بنت الجيران ( يا لهوى البت زى القمر )   حكايتى مع بنت الجيران ( يا لهوى البت زى القمر ) Icon_minitimeالأربعاء أبريل 21, 2010 9:06 pm

ههههههههههههههه
هههههههه حلوة
الرجوع الى أعلى الصفحة اذهب الى الأسفل
 
حكايتى مع بنت الجيران ( يا لهوى البت زى القمر )
الرجوع الى أعلى الصفحة 
صفحة 1 من اصل 1
 مواضيع مماثلة
-
»  وبكى القمر

صلاحيات هذا المنتدى:لاتستطيع الرد على المواضيع في هذا المنتدى
منتديات نجــــــــــع الجنينــــــــــــــة :: المنتديات الترفيهية :: نكت و طرائف-
انتقل الى: